Not Konserbatib Kuno

Dito sa downunder nawawala na sa pinoy ang pagiging magalang sa mas nakakatanda at mga tumandang binata, (Ops ang tamaan wag magalit. Isport lang pre...) lalo na ang mga bagong generasyon ngayon. Bihira mo nang marinig ang po at opo maging sa mismong mag-ama o mag-ina.

Minsan nakakalungkot isipin ang ganitong mga pangyayari lalo n'at walang tamang explinasyon kung saan ba talaga nagkulang ng paghubog ang kanilang mga magulang...Maaaring gawa ng mga out of the parents control na influences gaya ng friends, TV adds, o kaya natural adoptation dahil kung dito sila lumaki buo din ang sense of belonging nila... in other words, 100% feeling aussie din sila.

And aussies doesnt even respect there inlaws specially the wife's parent like we do. Na kahit sampong taon na ang tanda mo sa mga byenan mo ay tatay at nanay pa rin ang tawag mo...Buti na lang hindi lolo and first word ng anak mo sayo...(sumobra pa ang galang ng anak)

Pero pwede din sigurong lokohin ang mga aussie para kunyari magalang ang aussie hubby mo... aussie hubby: honey whats your fathers name? pinay wife: love, his name is tatay. How about your lolas name? O buking ka ano?...

Marami pa tayong kaugalian na parang masyadong exaggerated ang dating lalo n'at ibang lahi ang kapitbahay mo kaya nagmukhang unique ka tuloy. Isa na dun ang walang kupas na kurtina. Lahat na yata ng kumot mo sa bahay ay na-promote mo na sa heneral na ranggo. Meron ka pa bang gustong isabit dyan? Nagmukha ka na rin tuloy kurtina dahil kakulay ng pambahay mo yung kurtina sa banyo mo...

Isa pang nakaka-confuse na ugali natin ay ang over na pagkamalinisin.

One time na-imbitahan ako sa isang pinoy na party so pumunta naman ako kahit medyo malayo... Pagbukas pa lang na pagbukas ng pinto ay nakabungad na sa nabigla kong mga kilay ang parang maliliit na highway ng plastic mats sa carpet!... Naalala ko tuloy ang 3 little pigs, this little pig went to the market, this little pig stayed at home, this little pig said weee-weee-weee... pre saan ba pwedeng umihi dini? wir is da wey ba dito ito ba o ito...? Pre wag dyan papuntang market yan...! Nalito pa tuloy ako...

Pero may kaugalian naman tayo nakakapagpapalaki ng puso at bilbil. Limang taon mo na yatang binibigyan ng ulam ang kapitbahay mong bombay hindi ka naman mahilig sa curry medyo kasi stinky-winky kaya excuse me muna syang wag magbigay sayo ngayon... Thank you neighbor your food is very nice, taste like chinese take-away. (Pinaglihi ka kasi kay Olive Oil, kaya napagkamalan ka tuloy na intsik)

Aba syempre naman neighbor bicolana yata si ako!...

May Malaking Daga...

Ang Kangaroo pala ay mukhang malaking daga... Mahaba ang mga buntot nila at patalon talon sa bush. (hindi si pareng George wala nun dito) First time ko kasi nakita ang mga ito ng personal dito nung unang sakay ko palang sa tren. Dumaan kasi ang tren sa isang ma-bush na suburb, parang yung mga municipalities sa atin. Nakita ko madami talaga malalaking daga...

Buti hindi ako napasigaw ng daga daga apakan nyo apakan nyo!...Baka sila pa apakan nun... sa laki ba naman na yun ng kangaroo... Oopps...! titigil pa yata ang lokong train driver sa may station na yun nag-alala tuloy ako na baka pagnagbukas ang pinto ng tren papasok ang mga kangaroo. No...its not what you're thinking hindi ako takot sa daga girls and gays lang ang takot sa mga daga macho ito... Nag-worry lang talaga ako dahil sa mga PUSA... Gaano kaya kalaki ang mga yun...

Meron din silang malaking pouch sa harap kung saan tinatago lila ang mga babies nila...Babies? Opo babies kasi mga tatlong joey (Tawag sa baby kangaroo, hindi si Joey Marquez masyadong malaki yun.) ang nasa loob ng pouch mula maliit na parang butiki kalaki hanggang sa malaki na nakakalabas na at nakakatalon at hindi kambal ang mga ito. Sunod sunod na separate birth sila...

Ikaw ba naman ang may bulsang taguan ng mga anak na kagaya ng sa kangaroo, kahit sampo na ang panganay mo siguro mukha ka pa ring dalaga tingnan... Di ba misis kangaroo?...

Oh wat a playt...

Nasa international airport pa lang ako ng pinas nun pero parang confused na agad ako.Lalo na ng makilala ko ang isang pasahero na akala ko ay pinoy lang at malaki lang ng kunti ang katawan sa akin pero ang sabi nya ay Samoan daw sya...Ano yun? Minatamis sa bao ng niyog? Maasim ba yun o maanghang? Tao pala yun sabi n'ya he-he.

Nang na sa airplane seat na ako, may nakatabi na naman akong aussie na panay ang tanong mula paglipad, pagliko, pagpreno, (wala pala nun ang eroplano he-he) at hangang sa paglanding tanong pa rin ng tanong... Sagot naman ako ng sagot, hindi ko na rin tuloy maintindihanan mga sinasabi ko inglis kasi gets mo my pren?... Ihi lang yata at kain ang pahinga ko.

Hindi yata napansin ng loko na mukha nang twisties ang dila ko sa subrang pamimilipit sa kai-inglis kalabaw pero ayaw pa rin ako tantanan. Wa-epek din ang tango at iling... Buti na lang naalala ng piloto na maglalanding na pala kami kaya nakaiwas pusoy tuloy ako... Oh wat a playt talaga... Layk no adir...