Downunder? Ano yun?...

Unang bakasyon ko nun sa pinas tinanong ako ng mga kaibigan ko, pre ano ba yung downunder? Kamuntik ko na yatang nalulon ang isang boteng beer, malamig pa naman magkaka-brain freeze ako. Sa dinamidami ba naman ng pwedeng itanong , yung wala akong alam yun pa ang itinanong sa kin ng loko... Buti my prens ko sya doon kung hindi di lang beer ang lululunin nya , pati isang platitong mani pa. Buti pa sila may napagtanungan ako nga noon wala. Kaya tuloy buong akala ko talaga ay katulad yun nitong suot ko sa ibaba...kasi yun ang palaging suot ng mga aboriginals, downunder wear...

Akala ko kasi nung tinanong sila nun ng mga first settlers kung anong pangalan ng lugar na ito sabay tingin sa baba kasi naka bahag nga lang sila, ang akala nung aboriginal tinatanong sya kung anong yang suot nya na mula pa yata nung bagong panganak sya ay suot nya na. (Gets nyo ba? Lampin! Kayo naman oo, very slow motion sickness panadol) Kaya sagot nya naman ay, (sabay turo din sa baba) "ah this one, downunder." Kaya nga naman downunder... Ikaw talaga...Nag mukha pa tayo tuloy tangengot sa harap ng naka-diaper na mama...! Very amusing ...Nakuw!... (Sabay tapik ng kamay sa nuo)

Malay ko ba naman doon sa pangalang yun, baka nga mas masagwa pa ang naging pangalan ng lugar na ito kung nakasama ako nun sa mga fist settlers, baka iba pa tuloy ang naitanong ko. Baka Hangonthere pa tawag dito ngayon...Bakit nga kaya downunder? Maliban kasi sa downunder ang pinakamataas naman na napuntahan ko nun ay sa baguio lang. Ano naman kaya ang tawag ng mga settlers dun kung sakaling imbis na sa downunder ay sa pinas sila napadpad....coldupthere?

Pero ang lugar na ito daw ang pinakapatag na kontenente sa buong mundo. Halos mahigit sa kalahati nito ay disyerto... Kasukat din daw halos nito ang buong kontenente ng amerika... o bilib ka no...? Masyadong rugged daw ang lugar na ito at pinaniwalaang halos sumuko daw ang mga settlers noon dahil sa unhabitablu... pweh! un-ha-bi-ta-ble... okay na... unhabitable daw masyado ang kontenente na to. Buti na lang na realise ng mga settlers na pwede pala tirhan ito kasi madaming malahiganteng mga daga.(kumakain daw kasi ng daga ang europeans)

Wala sana sa blog nya si pepe ngayon di ba?